-- ADVERTISEMENT --
ROXAS CITY – Nagalab-ot sa 8 tubtob sa 10 ka mga indibidwal ang sarang nga makapatigayon sang zumba sa Barangay Baybay, Roxas City.
Ini ang ginpahayag ni Punong Barangay Reynaldo Magallanes sang mainterview sang Bombo Radyo.
Suno kay Magallanes nga ginapahanugotan sini ang pag zumba basta ginasunod lamang sang mga ini ang ginapatuman nga mga health protocols kapareho sang pagsuksok sang facemask, faceshield kag pag-obserbar sang social distancing subongman nagaobserbar man ang mga ini sang tatlo ka dupa nga distansya.
Magluwas diri, ginadumilian man ang pagtililipon, pagbaligya sang mga pagkaon kun sa diin masami nga ginadugukan sang mga tawo sa People’s Park.
