ROXAS CITY – Nagakasubo sa karon ang pamilya Villance sa natabo sa ila himata nga napatay bangud sa aksidente sa motorsiklo sa Barangay Astorga, Dumarao, Capiz.
Suno sa iloy sang napatay nga biktima nga si Cristelyn May Villance, 2nd year criminology student sang Capiz State University (CAPSU) Dumarao Campus, wala ini magdahum-dahom nga sa lamharon nga edad, mapatay ang iya ikaduha nga anak.
Suno diri nga madamo pa kuntani sang handom sa kabuhi ang iya nga anak kag gilaragway niya ini nga isa ka mabakas nga bata ilabi na sa pagtuon bangud isa ini ka iskolar.
Nagpanindugan ini nga may inugsumiter sa Facebook messenger nga ang iya anak bangud ini man ang iya nga laong sa iya pagpaupod sa iya amay nga amo ang nagmaneho sang motorsiklo.
Sa iya matandaan, naghambal si Cristelyn nga kinahanglan sini magpasa sang iya inug-comply para sa FRC-221 nga subject.
Suno pa diri nga posible gin-ulayhon man sang iya anak ang inug-comply sang iya nobyo sa iya man nga subject.
