ROXAS CITY – Gindul-ong na sa katapusan nga palahuwayan si Patrolman Antonio Tumanday Jr., sang Barangay Dinginan,sining syudad.
Nangin emosyunal ang pamilya ni Patrolman Tumanday Jr., nga nagasuksok sang nagaduag puti nga bayo sa ila pagdul-ong sa ila himata sa katapusan nga palahuwayan sa Cagay public cemetery.
Kalakip sa nagpakig-unong sa pamilya sang pulis ang mga kaupdanan sini sa 601st Company sang Regional Mobile Force Battalion.
Nahibaluan nga kasubong indi pa mabaton sang pamilya ni Tumanday ang natabo sa ila himata, bangud madamo pa ini sang plano sa iya ginikanan kag sa iya anak.
Matandaan nga magluwas kay Patrolman Tumanday, kalakip man sa mga napatay sa pagkahulog sang trak sa pil-as sanday Patrolman Rex Agupitan sang banwa sang Panay, Capiz, Corporal Emerson Peñarubia kag Patrolman Prince Angelo Supiter
