Magabiyahe si President Ferdinand Marcos Jr sa Cambodia kag America sa masunod nga bulan.
Katuyuan sang pagbiyahe sang Presidente nga labi pa nga mapabakod ang relasyon sang Pilipinas sa Cambodia kag Estados Unidos.
Ginkumpirmar ni Palace Press Officer USec.Claire Castro ang pagbiyahe sang presidente sa Cambodia humalin Setyembre 7 tubtob 9, para sa isa ka State Visit.
Ini ang mangin ikaduha nga tion nga magabisita ang presidente sa Cambodia, humalin sang 2022, matapos nga ginhiwat ang ika-40 kag ika-41 nga ASEAN Summits sa Phnom Penh.
Ginkumpirmar man sang opisyal ang natalana nga pagtambong ni Presidente Marcos sa United Nations General Assembly (UNGA) sa Setyembre.
Natalana sa Setyembre 23 tubtob 27 ang high-level general debate nga pagatambungan sang mga nagapanguna nga mga lider gikan sa nagkalain-lain nga pungsod.
Ini man ang ikaduha nga tion nga magatambong ang presidente sa UNGA, sa diin ang mayor nga topiko amo ang pagduso sang international peace and security.
