ROXAS CITY, CAPIZ- Naka-full force sa pagbulig ang Philippine Red Cross Capiz Chapter para sa mga pumuluyo sang probinsya sa tion nga nag-igo ang Bagyo Tino.
Sa interview sang Bombo Radyo kay Mr. Raymundo Martinez, Administrator sang Philippine Red Cross Capiz Chapter, iya ginpahayag nga antes pa man nga mag-igo ang bagyo, nagpatigayon sila sang pagsinapol kaupod ang Provincial Disaster Risk Reduction and Management Council ka gang Roxas City Government. Diri kag ila ginhinalaan ang mga safety measures para sa manug-abot nga kalamidad.
Suno kay Martinez, gin-activate sang ila nga talatapan ang Red Cross 143 volunteers sa diin nga ginpahamtang ini sa tagsa ka mga barangay sa syudad sang Roxas, kag sa municipal evacuation centers naman sa kada banwa sang probinsya.
Pahayag nya, nagpanagtag sila sang hot meals sa mga evacuees, mga bulong kontra leptospirosis, nagatigayon man sang hygiene promotion kag pag-check sang blood pressure sang mga katigulangan nga evacuees.
Gin-prepositioned man nila ang ila nga mga rescue ambulances, ka gang rescue boats sa Barangay Adlawan sa diin nga amo gid ang flood prone sa syudad.
Dugang pa nya, madinalag-on naman ang ginpatigayon nga augmentation sang ila nga talatapan sa diin nga nangin maayo ang resulta sa pihak sang nag-agi nga bagyo.
Interviewed by Bombo Francis Biñas
