ROXAS CITY- Pabor ang pila ka mga drivers kag pasahero sa ginaduso nga ordinansa sa pagdugang sa multa sa mga drivers nga magasukot sang mahal sa mga pasahero.
Sa interview sang Bombo Radyo kay Juan Brillo , tricycle driver ginapahayag sini wala sang problema sa iya kun magpasaka man sang multa bangud suno sa iya nagakaangay lamang ina sa mga drivers nga nagabayular sang layi, wala nagasunod sa insakto nga pagsuluktan.
Suno pa sa iya, nga kun tani ang mga kolorom ang hatagan man sang pagtamod bangud nagadamo nagid mga ini nga nagabyahe sa syudad sang Roxas.
Samtang sa separado nga interview kay Cristin Joy Arevalo, estudyante/pasahero , pabor man ini sa pagdugang pa sang multa sa magabayular sa layi kag para sa iya bilang estudyante mabudlay man para sa iya nga magbayad sang mahal sa tricycle bangud bastante lamang ang iya nga allowance.
