Pila ka mga katapo sang gabinete ni Former President Rodrigo Duterte ang magatambong sa confirmation of charges hearing sa International Criminal Court (ICC).
Suno sa pamilya Duterte, ginalakipan ini nanday anay executive secretary Salvador Medialdea, anay presidential chief legal counsel Salvador Panelo, anay labor secretary Silvestre Bello III.
Lakip man ang anay Land Transportation Franchising and Regulatory Board (LTFRB) Secretary Martin Delgra; anay Bureau of Internal Revenue (BIR) Secretary Cesar Dulay kag Alfredo Lim, anay presidente sang Philippine Amusement and Gaming Corp.
Wala man sang kumpirmasyon ang pamilya Duterte kun magatambong man sila sa hearing.
Matandaan nga gindumilian sang ICC ang iya pamilya nga magbisita sa anay presidente samtang nagapadayon ang confirmation hearing.
