Nag-atubang sa ginahiwat nga pagdinig sang mataas nga kapulungan sang Kongreso ang pila ka mga kapamilya kag himata sang mga napatay kag pinatay sa war on drugs sang nakaligad nga administrasyong Duterte.
Ginpakigbahin sang mga ini ang pila sa mga importante nga karanasan sang tion sang madugo nga drug war.
Una nga sumalang agud maghambal si Randy delos Santos nga tiyo sang pinatay nga teenager nga si Kian Delos Santos.
Si Kian ang 17-anyos kag napatay sang kasagsagan sang war on drugs sang tuig 2017 matapos ang ginapahayag nga manlaban sa pulisya.
Nahadlok suno ang ila pamilya sadto bangud sa mga nangin pahayag sang PNP batuk sa ila.
Ginapahayag nga ginapaguwa sang PNP sadto nga ang ginapamunuan ni Senador Ronald Bato Dela Rosa nga ang ila pamilya ang kilala nga siga sa ila nga lugar kag kilala nga nagabaligya sang droga.
Dugang pa ni Delos Santos , wala nga kamatuoran ang mga akusasyon nga ini sang pulisya batuk sa ila.
Markado suno sila sa media, balita kag Social media bangud sa nasambit nga akusasyon.
Nabudlayan man ang ila pamilya mangabuhi matapos ini nga madulaan sang trabaho bangud sa mga akusasyon sa ila pamilya.
Korte na man ang nagsiling nga nagabinutig ang mga pulis nga nagpatay sa iya gumangkon rason agud hatulan sang kaso nga murder ang nakapatay kay Kian.
Suno naman kay Senador Ronald Bato Dela Rosa nga mangin ini ang naakig man sa gindangatan ni Kian.
Pero matapos nga mabaton sini ang impormasyon, nagaguwa nga ginagamit ang tindahan nila Kian sa pagbaligya sang ilegal nga droga.
Paathag pa sang Senador, base sa iya pagkaalala, ang amay lamang ni Kian ang ulamid sa ilegal nga droga kag hindi ang iya tiyuhin.
Samtang, maluwas kay Delos Santos , nag-atubang man sa pagdinig ang biyuda ni Joselito Gonzales nga napatay man sang July 2016 sa isa ka operasyon.
