Ginkumpirmar sang Philippine Consulate General sa Hong Kong nga may yara sang napatay nga isa ka Overseas Filipino worker sa sunog nga nagluntad sang Nobyembre 26 sa distrito sang Tai Po.
Suno sa official advisory, wala pa makilal-an ang biktima, apang ila ginlaragway nga naglakat ini sa luwas sang pungsod agud makakita sang maayo nga opportunidad kag suportahan ang iya sini nga pamilya.
Nagpalab-ot man sang pagpakig-unong ang Consulate General sa pamilya, mga abyan sini kag pinalangga sa kabuhi.
Wala naman sang ginhatag nga dugang nga impormasyon angut sa kon paano napatay ang biktima.
Samtang, sa separado nga abiso ginkumpirmar sang Philippine consulate nga 79 ka mga Pilipino ang kumpirmado nga safe, samtang 12 naman ang padayon nga ginapaidalom sa verification.
Matandaan nga nagluntad ang sunog sang Nobyembre 26 sa distrito sang Tai Po, kunsa diin 128 ka mga indibidwal ang napatay kag 200 ka iban pa ang gin-report nga missing.
