ROXAS CITY-Magapangatubang sang anum ka bulan nga preventive suspension ang pito ka mga Barangay Officials sa Western Visayas.
Sandig sa ginpapanaug nga mandu sang Office of the Ombudsman kalakip ang Pito ka mga Punong Barangay sa 89 ka mga Barangay Official nga natalana nga suspendihon sang nasambit nga talatapan bangud sa ginakaulamiran nga anomalya sa distribusyon sang Social Amelioration Program (SAP).
Ginakabig man ini nga labing una nga “mass suspension” sa kasaysayan ang pungsod suno sa Department of Interior and Local Government.
Magluwas sa ginpapanaug nga preventive suspension, natalana man nga pagapasakaan sang kaso administratibo ang nasambit nga mga opisyal.
Ang pito ka mga nasambit nga Punong Barangay sa Western Visayas ang ginalakipan sang mga masunod:
1. Tezardo Tejada sang Barangay To-oy, Himamaylan City, Negros Occidental
2. Evelyn Ta-asan sang Barangay 11, Bacolod City, Negros Occidental
3. Noli Villarosa sang Barangay Tangub, Bacolod City, Negros Occidental
4. Kim Piramo sang Barangay 19, Bacolod City, Negros Occidental
5. Romeo Sultan sang Barangay Salamanca Toboso, Negros Occidental
6. Ruel Sabequil sang Barangay Cabungahan, Calatrava, Negros Occidental
7. Tito Dipon Barnuevo sang Barangay Linao, Panay, Capiz.
