Ginpakigbahin ni President Ferdinand R. Marcos Jr. ang tatlo ka importante nga bahin sang ginahimo nga pag-usisa sang gobyerno sa mga ginatawag nga “ghost projects” kag mga iregularidad sa pila ka subprojects.
Ini ang nagatuyo nga madeterminar ang mga kakulangan, mga dapat pasabton, kag mga kinahanglanon nga reporma sa
bureaucracy.
Suno kay Marcos, ang una nga hugna amo ang pagdetermine sang mga proyekto kag subprojects nga dapat tapuson apang wala natuman.
Lakip diri ang beripikasyon kun sa diin ang may problema kag ano ang natabo nga kakulangan sa implementasyon.
Ang ikaduha nga hugna amo ang pagdeterminar sa mga indibidwal nga dapat manabat sa mga natabo.
Kag ang ulihi, ginpabutyag sang presidente nga ginatutukan sang administrasyon ang pagpatuman sang mga kinahanglanon nga reporma base sa mga nadiskubre sa imbestigasyon.
Suno sa iya, isa sa pinaka-klaro nga nakita amo ang pagkadula sang transparency sa proseso sang gobyerno.
Dugang pa niya, nga ang pagpabalik sang klaro kag bukas nga proseso sa administrasyon amo ang isa sa pinakaimportante nga tikang agud malikawan ang pagbalik sang amo sini nga klase sang kurapsyon.
