PRESIDENT ROXAS – May ginasundan nga tatlo ka anggulo ang mga kapulisan sa President Roxas, may kaangtanan sa pagluthang-patay sa isa ka lalaki sa mismo balay sa Sitio Tuyop, Barangay Carmencita, President Roxas, Capiz.
Matandaan nga ginkilala ang biktima kay Noel Sanguillosa, 49-anyos ang edad kag residente sa nasambit nga lugar.
Sa interview sang Bombo Radyo sa hepe sang President Roxas Municipal Police Station nga si PMAJ Rachelle D. Garnica, ginpahayag sini nga padayon pa ang ila pagpatigayon sang maid-id nga imbestigasyon angut sa insidente.
Suno kay Garnica una nga anggulo nga ila ginasundan amu ang may kaangtanan sa iya love life ika-duha ang trabaho ka gang ika-tatlo ang anay sini nga kaso.
Wala pa mahibaluan suno diri kung pila ka bala ang nag-igo sa biktima bangud wala pa maguha ang resulta sang post mortem examination.
Mahibalaun nga samtang nagatindog sa guwa sang ila balay ang biktima kag may kaistorya sa cellphone sang hinali ini nga gintiro sang makapila ka beses sang wala pa matumod nga suspetsado.
