ROXAS CITY -Ginpasalig sang Provincial Legal Officer sang provincial government nga magapadala sang sulat sa Department of Transportation (DOTR) nga nagahinyo nga makabiyahe ang pila ka mga pampubliko nga salakyan sa probinsiya nga wala pa sang special permit.
Ini ang ginpasalig ni Atty. Esteban Angeles Contreras, Provincial Legal Officer sang provincial government sang mainterview sang Bombo Radyo.
Ginpahayag ni Contreras nga sandig sa ginpaguwa nga Executive Order ni Capiz Governor Esteban Evan Nonoy Contreras nga ginpasugtan na magbiyahe ang mga pampubliko nga salakyan sa probinsiya kasunod sang general community quarantine.
Apang wala ini makahibalo nga nagakinahanglan pa nga mag-appy sang special permit gikan sa Land Transportation Franchising and Regulatory Board (LTFRB).
Ginpasalig sini nga magasulat ang probinsiya sa Department of Transportation nga temporaryo nga hatagan sang probational authority ang mga drivers nga makabiyahe samtang ginaproseso ang pag-apply sang special permit.
Gindugang pa sini nga mabudlay na sa mga driver kag operators nga mag apply sa kooperatiba bangud sa covid-19 disease.
Matandaan nga nagpangayo sang bulig ang mga Jeepney Drivers kag operator matapos nga tubtob sa karun wala pa makabiyahe bangud wala sang may nauyatan nga special permit.
