ROXAS CITY, CAPIZ – Nagpanawagan ang mga Barangay Officials sang Barangay Baybay, Roxas City sa mga pumuluyo nga mangin aligmat matapos ang asud-asud nga kinawatay sa ila barangay.
Sa interview sang Bombo Radyo kay Punong Barangay Erwin Oroceo, iya ginpahayag nga may yara na sang mga nabalhag nga kinawatay sa pila ka mga magagmay nga mga baligyaan sa nasambit nga barangay.
Suno kay Oroceo, may yara na sila sang gina-monitor nga mga personalidad nga posible amo ang naga-sulod sa mga panimalay kag balaligyaan kag magpangawat.
Pahayag pa niya, mas mangin aligmat ilabi na sa palaabuton nga tigkalalag sa diin siguruhon nga nakasirado ang tanan nga mahimo sudlan sang kawatan sa balay antes magpadulong sa mga patyo.
Dugang pa sang natungdan, ang pagbantay ang indi lang responsibilidad sang mga tanod kag kapulisan kundi amo man sang mga tag-iya sang panimalay agud malikawan ang kinawatay.
Interviewed by: Bombo Francis Biñas via Bombohanay sa udto
