Nagpahayg na si Rufa Mae Quinto angot sa ginreport nga pagtaliwan sang iya anay bana nga si Trevor Magallanes.
Sa isa ka post sa Instagram, ang komedyante kag aktres nagpaambit sang pila ka mga litrato sang iya kaugalingon kag ni Trevor, upod ang isa ka emosyonal nga pahayag.
“I’m deeply saddened by this development… Just pray for us that we will get thru this by the help of God,” siling ni Rufa Mae, nga nagpangayo sang tion sa pagpangasubo ilabi na para sa ila anak nga si Athena.
Suno kay Rufa, padayon pa ang pagtipon nila sang pamilya ni Trevor sang kumpirmado nga impormasyon angut sa insidente.
Nagpangabay man ini nga indi magpalapta sang indi matuod nga balita ukon espekulasyon angut sa kamatayon ni Trevor.
Matandaan nga nagpakasal sanday Rufa Mae kag Trevor sang 2016 kag ginbugayan sang isa ka anak nga babaye nga si Athena, sang masunod nga tuig. Sang nagligad nga mga binulan, gin-ako ni Rufa nga natapos na ang ila relasyon, apang nagapabilin sila nga mag-asawa.
