Nagpatigayon sang prisoners swap ang Russia kag Ukraine sa tunga sang nagapadayon nga territorial wars sang duwa nga pungsod.
Yara sa 206 nga bilanggo ang na-swap kag sulod lamang sang duwa ka adlaw makaduwa ini ka beses natigayon.
Natigayon ang prisoners exchange bangud sa bulig sang United Arab Emirates nga nakignegosasyon sa Russia agud mabawi sang Ukraine ang ila nga mga militar nga nangin prisoners of war sa nangin pagpang-atake sang Russia sa border sang Kyiv sadtong Hulyo subong nga tuig.
Sa isa ka mensahe, ginkumpirmar ni Ukraine President Volodymyr Zelensky ang balita kag ginpahayag nga “our people are home.”
Kasunod sang mga mensahe nga ini, ginpahayag man ni Zelensky nga madinalag-on kag luwas nila nga nabalik sa Ukraine ang mga ini.
Samtang, nagakalipay sa karon ang mga residente sa pagbalik sang ila nga mga kasimanwa.
Nag-post man ang Presidente sang mga laragway nga nakaputos ang mga ini sang simbolo sang Ukraine samtang ginahakos ang kada isa bangud sa kalipay.
