Sangguniang Panlalawigan sa Capiz, magapatigayon sang public hearing may kaangtanan sa One Billion-Peso Loan

Magapatigayon sang public hearing ang Sangguniang Panlalawigan bwas nga adlaw, Disyembre 18 sa Hall of Governors, ‘las 8 sa aga, agud diskusyonan ang ginhingyo ni Governor Fredenil Castro nga authority nga mag-negotiate kag magsulod sa loan agreement sa Land Bank of the Philippines nga may balor nga P1 billion para sa mga masunod nga katuyuan;

1. P300 million para sa pagbakal sang tatlo ka ektarya sang duta sa Barangay Dinginan, Roxas City, Capiz nga adjacent sa bag-o nga Capiz Provincial Capitol;
2. P100 million nga para sa ginaduso nga development sang bag-o nga Provincial Capitol;
3. P350 million para sa construction/rehabilitation sang Villareal Stadium; kag
4. P250 million para sa construction sang Roxas Memorial Provincial Hospital sa Lanot, Roxas City.