ROXAS CITY – Ginpanindugan sang Municipal Social Welfare and Development (MSWD) Officer-in-charge nga may coordination ang ila datos sa Municipal Disaster Risk Reduction and Management Office (MSWDO).
Ini ang ginpahayag ni Cherry Joy Pedrosa, sang mainterview sang Bombo Radyo.
Ba-se sa ila datos nga coordinated sa MDRRMO, nagaguwa nga may yara sang 10 ka mga pamilya nga ginakabug-osan sang 40 ka mga indibidwal ang nag-evacuate, apang ang apektado sa kalamidad ang nagdangat sa 7,690 families nga may numero nga masobra 26,000.
Nahibaluan nga sa ginpatigayon nga sesyon sang Sangguniang Bayan sang Lunes nga adlaw, ginkuwestyon diri ang numero sang mga affected individuals kag sa reported nga evacuees sa ila banwa. Apang, suno kay Pedrosa nga indi buot silingon sang apektado nga pamilya ukon indibidwal ang nagbakwit na, bangud kadam-an ang apektado man sang pagbaha apang nagpabilin sa hilway nga lugar ukon nagtenir sa ila mga himata kag wla nagpadulong sa evacuation center.
