Ginpahayag ni Senator Ronald “Bato” dela Rosa nga indi ini mag-inhibit sa ginakasa nga imbestigasyon sang Senado natuhoy sa war on drugs sang anay Duterte administration.
Ini ang apisar pa isa ini sa mga ginatudlo sa pagpatuman kag sa mga natabo nga palatyanay sa kampanya kontra sa iligal nga droga.
Ang komite ni Dela Rosa nga Public Order and Dangerous Drugs ang magahiwat sang motu proprio investigation tuhoy sa war on drugs samtang wala pa sang resolusyon na gina-file para diri.
Paathag ni Dela Rosa, indi naman self-serving ang pagkasa sini sang imbestigasyon kag luyag man sini nga athagon ang iya pangalan.
Dugang pa sini, may delicadeza man ini kag nahuya man ini apang kinahanglan na nga maghiwat sang kaugalingon nga imbestigasyon sang Senado agud mapabilin ang “checks and balances”.
Indi man suno ini mag-inhibit kun sa komite man sini mapadulungan ang imbestigasyon kun may mag-file sang resolusyon para diri.
