Nagalaum si Senate President Pro Tempore Panfilo ‘Ping’ Lacson nga padayon pa nga mapasangkad ang kampanya batok sa korapsyon sa pag-abot sang bag-o nga tuig.
Nagapati si Lacson nga amo ini ang labing una nga handom sang mga Pilipino gikan sa ila mga lider sa serbisyo publiko, labi na nga nangin kritikal na ang publiko sa mga isyu sang korapsyon sa gobyerno.
Suno pa kay Lacson, importante ang transparency kag accountability sa nasambit nga panguluhan.
Ginasiguro ni Lacson kag sang iya team nga aktibo sila nga magahatag sang importante nga impormasyon sa publiko parte sa mga kaso sang korapsyon nga ila gin-imbestigaran kag ginabantayan.
Ini agud masiguro nga may mapanabat ang mga lakip sa anomalya.
Nagalaum man si Lacson nga mas mapakita kag mapamatud-an sang administrasyon ni Marcos ang ila dedikasyon kag seryoso nga pagbaton sa pag-away sa korapsyon sa masunod nga mga.
Suno sa iya, ang pag-away sa korapsyon isa ka padayon nga proseso nga nagakinahanglan sang mabakod nga paninindugan kag konkreto nga aksyon gikan sa tanan nga ahensya sang gobyerno.
