ROXAS CITY-Patay na sang masapwan ang Senior Citizen sa ila ginapag-iyahan nga uyapad sa Barangay Cubay President Roxas, Capiz.
Ginkilala ang biktima nga si Alejandro Dely, 66-anyos,residente sang Barangay Ibaca sang amo man nga banwa.
Sandig sa gin palab-ot nga report sang mga pumuluyo sang Barangay Cubay sa mga katapo sang President Roxas Municipal Police Station nga nakit-an na gid lamang ang bangkay sa amo nga uyapad .
Samtang nagapati naman si Marcelino Dely, utod sang biktima nga bangud sa gina supreher sini nga balatian ang gintunaan sang kamatayon sang ila himata.
Mahibaluan nga malayo ang panimalay sang biktima padulong sa iya ulumhan nga posible ginatake ini sang balatian nga “hypertension”.
Sa karon, yara na sa isa ka punerarya ang bangkay sang biktima.
