ROXAS CITY – Ginpakigbahin sang Chairman sang Committee on Health and Sanitation sa ika-65th nga regular session sang Sangguniang Panlungsod ang nangin eksperyensiya sini sa sang tion nga nagpaidalum ini sa Swab Test sa City Diagnostic and Laboratory Center sa Hortus Botanicosm Barangay Milibi, Roxas City.
Sandig kay City Coucilor Cesar Yap Jr., nangin mahupos kag madasig ang pagpatigayon sini sang swab test matapos nga sa sulod lamang sang 24 oras, sarang na nga makuha ang resulta sini.
Ginpahayag sini nga gilayon siya nga nagpaidalum sa swab test bangud na-close contact sini ang isa ka COVID-19 positive.
Duagng pa sini nga nangin libre ang pagpa-test sini bangud nalakip ini sa listahan nga mga na-close contacts sang nagpositibo sa COVID-19.
Nagalain naman ang buot ni City Councilor Jericho Angel Celino matapos ginaalegar ginpabay-an lamang sang mga medical personnel sang City Health Office ang isa ka tigulang sang tion nga luyag sini nga mangayo sang bulig.
Suno kay Celino, may isa ka senior citizen ang nagpalab-ot sang reklamo kun sa diin nagpadulong sa isa ka pribado nga ospital agud magpa-check-up apang suno sa mga doktor nga nagakinahanglan nga magpaidalum ini sa swab test.
Suno diri nga gilayon nga ginrefer sang nasambit nga ospital ang senior citizen sa City Health Office kun sa diin posible ma-refer man sa City Diagnostic and Laboratory Center agud mangin libre ang pagpa-swab test sini.
Apang ginapahayag nga wala ini gin-entertenar sa City Health Office rason nga ginkwestyon ni Celino kun ano gid bala ang nagakadapat agud mahimo nga maka-avail ang iban nga indi sarang makabayad sang daku sa nasambit nga test.
