-- ADVERTISEMENT --
Patay na sang nasapwan ang isa ka senior citizen nga una gin-report nga missing sa Brgy. Burias, Mambusao, Capiz.
Ang biktima amo si alyas Diday, 75 anyos, residente sang Sitio Fore sang nasambit nga lugar.
Suno sa Mambusao Municipal Police Station, nagreport ang bana ni Diday, nga si Feloteo Fabiano Evaristo, nga sang mga alas 9:30 sang aga sang Enero 27, 2026, wala na nakabalik ang iya asawa.
Suno kay Feloteo, naglakat ang iya asawa para magbakal sang asin sa Sitio Agkawayan, nga ginabanta tatlo ka kilometro ang kalayuon halin sa ila balay.
Sa subong, padayon ang imbestigasyon sang kapulisan angut sa kamatayon sang biktima.
-- ADVERTISEMENT --
