ROXAS CITY – Nabalik na sa tag-iya ang sidecar sang gin-motornap nga tricycle sang Abril 26 sa barangay Baybay, Roxas city matapos marekober sa isa ka junkshop sa Altavas, Aklan, kahapon.
Sa pagpakig-angut sang Bombo Radyo kay Alvin Delojero, bata sang tag-iya sang gin-motornap nga tricycle, suno diri narekober sang Roxas City PNP kaupod ang iya amay ang amo nga sidecar matapos ang impormasyon nga ginbaligya ini sa isa ka junkshop sa amo nga lugar.
Ginapahayag nga ginbakal lang man sang junkshop sa isa ka manug-scrap sa lugar sa balor nga P2,000.
Matandaan nga ginkilala ang suspek nga nagmotornap kay si Reymar Ledesma kag residente sang Barangay Culasi sining syudad.
Natigayon na nga mapasakaan sang nagakaigo nga kaso ang suspek kag nagapabilin ini sa karun sa Roxas City PNP para sa nagakaigo nga disposisyon.
