ROXAS CITY – Wala sang patimaan ukon anuman nga grupo sa House of Representative nga magapapasar sang isa ka resolusyon nga magabaylo sang liderato ang Manubo nga Panalgan sang Kongreso.
Ini ang ginpahayag ni House Deputy Speaker kag Capiz 2nd District Representative Fredenil Castro sang mainterview sang Bombo Radyo.
Suno kay Castro, may nagguha naman sadto nga balita nga may nagaplano nga magtal-us kay House Deputy Speaker Pantaleon Alvarez apang lunsay ‘chismis’ lamang ini.
Ginpahayag sini wala sang anuman nga grupo nga nagapakita nga indi sila kuntento sa liderato ni Alvarez.
Gindugang pa sini nga magapabilin si Alvarez sa nasambit nga posisyon bangud nagapabilin man ang respeto kag kumpiyansa sang iya mga kaupdanan sa Manubo nga Panalgan sang Kongreso.
