ROXAS CITY – Pagahiwaton ang Sisid Basurero: An underwater Clean-up Dive sa nagahilapit nga pagsugod sang Capiztahan 2022, sa Abril 22, sini nga tuig.
Ini nga programa ang initiyatibo sang Capiz Environment and Natural Resources Office (CaPENRO).
Suno kay Mr. Wilmon Alinsangan kag Mr. Darwin Borreros sang CaPENRO, nga tinutuyo nga malimpyuhan ang kadagatan sa may Napti Island.
Sa karon, may yara pa lamang sang tatlo ka mga volunteer sa amu nga aktibidad.
Ginpahayag man ni Alinsangan nga importante nga ang isa ka diver ang lisensyado kag may yara sang kumpleto nga kagamitan sa pag-dive.
Sa luyag magpasakup, magrehistro lamang sa https://bit.ly/SisidBasureroRF
Nahibaluan nga magasugod ang Capiztahan sa Abril 22 tubtob 24, sini ngatuig kun sa diin may pagahiwaton nga programa kag aktibidad kunsa diin tinutuyo sini amu ang amat-amat nga pagpanumbalik sang turismo sa Capiz.
