Ginpanginwala sang anay election service provider sang Commission on Elections nga Smartmatic ang alegasyon sang ginapahayag iregularidad sa tax reimbursement nga nakuha sini nagikan sa poll body sadtong 2016.
Ginhimo sang Smartmatic ang pagklaro matapos masambit sa indictment sang grand jury sang Amerika sa mga opisyal sang Smartmatic kag kay anay Comelec chairman Andres Bautista ang reimbursement sang Comelec sadto sa kwestyonable nga ginpatong nga P195 million nga value-added tax (VAT) sa Smartmatic sadtong 2016.
Apang sa ginpaguha nga pahayag sang talatapan sang Smartmatic, ginpahayag sini nga aprubado sang Comelec en banc ang nasambit nga reimbursement base sa nangin ruling sang Bureau of Internal Revenue.
Base sa desisyon sang BIR sadtong Abril 2016, ginpahayag sini nga entitled lamang ang Comelec nga mag-withhold sang 5%.
Makalipas ang 4 ka bulan sadtong August 2016, gin-reimburse sang Comelec sa idalum sadto ni Bautista ang nahabilin nga 7% sang 12% VAT nga nauna na nga na-withhold.
