IVISAN CAPIZ – Yara na sa state of decomposition, ang soltero nga ginapahayag gin-utas ang kaugalingon Barangay Sta.Cruz Ivisan, Capiz.
Matandaan nga ang wala na ginhingadlan nga persona ang nagapang-edaron sang 18-anyos kag residente sang Poblacion Sur sa amu nga banwa.
Sa interview sang Bombo Radyo sa hepe sang Ivisan Municipal Police Station nga si Police Major Ruby Magallanes, ginpahayag sini nga sa bulig sang katapo sang SOCO nagikan sa Capiz Forensic Unit pinaagi sa ila ginpatigayon nga imbestigasyon wala sang may nakita nga pilas sa lawas sang biktima nga posible masundan nga anggulo.
Suno kay Magallanes, padayon ang ila pagpatigayon sang imbestigasyon angut sa insidente.
Mensahe sini nga bukas ang ila talatapan sa sin-o man nga may ihibalo sa natabo kag magpakig-angut lamang.
