ROXAS CITY – Wala na sang stocks sang bisan ano nga sizes sang Coca Cola sa pila ka tiyangge sa syudad sang Roxas.
Ini ang ginsiling ni Mrs. Eusa Mendoza, Store Owner, sang ma-interview sang Bombo Radyo.
Suno kay Mendoza, kun may yara kuntani siya sang stocks indi ini niya pagpataasan ang presyo bangud direkta siya nga nagakuha sang softdrinks sa Metro Manila nga wala man nagpataas.
Kahapon gid lamang naubos ang iya stocks gani nagaproblema siya bangud damu ang nagapangita kag madahog ini kuntani, dugang pa nga wala na siya sang lihugon pakuha sa Manila.
Ginakatingala man niya kun ngaman wala sila ginadeliveran sang mga ahente apisar nakita man niya nga naga-agi ang truck nga puno sang nasambit nga softdrinks.
Kasubong suno diri nga may ginaprayoridad ang mga ini rason nga ginahinyu niya sa mga ahente nga kuntani mangin patas sa distribusyon.
Bangud sa nagakaubusan na ang stocks, nagapati si Mendoza nga ini man ang rason kun ngaman nagapataas sang presyo ang iban nga store owner.
Apisar may yara sang stocks sa bahin sang TATC, ginpakamaayo ni Mendoza nga indi magbakal bangud sobra ang pagpataas sang presyo.
Kapareho sang 12 bottles per pack sang Coca Cola Mismo nga sa Manila mabakal niya lang sa P210, samtang sa TATC mabakal ini sa P275-P300.
