ROXAS CITY – Patay ang 15 ka indibidwal matapos ang nagluntad nga pagpangluthang sang isa ka 18-anyos nga lalaki sa Uvalde Texas.
Sa interview sang Bombo Radyo kay Mr. Rufino Gonzales, Bombo International Correspondent sa nasambit nga lugar, ginpahayag sini nga ginsulod sang 18-anyos nga lalaki ang Robb Elementary School sa nasambit nga lugar kag ginpangluthang sini ang mga estudyante nga yara sa grade 2 tubtob grade 5 kag nalakip diri ang isa maestro.
Nahibaluan nga nagbato pa sa mga awtoridad ang suspek antes ini napatay.
Ginpahayag sini nga may yara sang deperensya sa paminsaron ang suspek.
Suno kay Gonzalez, didto sa Texas posible nga makabakal sang armas-luthang ang isa ka indibidwal basta may ipakita gid lang nga driver’s license kag wala na ginakinahanglan ang psychological check-up.
Katingalahan man suno diri kun paano nakasulod sa nasambit nga eskwelahan ang suspek bangud mabudlay nga makasulod sa gate kay ini ang naka-electronic lock.
Magluwas sa mga napatay, may yara man sang mga napilasan sa nasambit nga insidente.
