ROXAS CITY- Napasakaan na sang kaso nga attempted murder ang suspek sa pagpangbuno sa isa ka tricycle driver sa Sitio Hansol, Barangay Tacas, Pontevedra Capiz.
Ginkilala ang biktima nga si alyas “sun” 26-anyos kag residente sang Barangay Agbanog, Pontevedra, Capiz; samtang ang suspek amo si alyas “Cardo”,43-anyos kag residente sa nasambit nga lugar.
Matandaan nga samtang ginamaneho ni alyas sun ang iya tricycle nga padulong kun tani sa Pontevedra Proper sang ginbanggaan ini ni alyas Cardo kag hinali na lamang ini nga ginbuno ang biktima.
Nag-angkon sang pilas sa nawala nga porsyon sang hita ang biktima gamit ang malaba nga kutsilyo.
Gilayon naman nga gindala ang biktima sa Bailan District Hospital, agud dapatan sang nagakaigo nga pagbulong.
Samtang, gilayon naman nga nadakpan ang suspetsado sa ginpatigayon nga hot pursuit operation sang mga kapulisan.
Sa karon, nakaguwa na sa ospital si alyas sun kag yara na sa kustodiya sang Pontevedra Municipal si alyas Cardo para sa nagakaigo nga disposisyon.
