Ginkumpirmar sang Syria nga pila ka mga soldado kag sibilyan ang napatay sang Israeli airstrikes matapos nila ginbombahan ang Syrian forces sa Suwayda, isa ka syudad sa southern Syria malapit sa boarder sang Jordan kag Israel.
Ang pag-atake sa mga Syrian forces kag sa ila mga weapons ang ginsugo ni Israeli Prime Minister Benjamin Netanyahu bangud ginaalegar nga plano sang gobyerno sang Syria nga gamiton ini batok sa mga Druze.
Ang mga milisya sang Druze nakig-away para sa Israel sa tagsa ka inaway sang mga Arab-Israel war kag sila lamang ang grupo sang mga Arabo nga gintugutan nga mag-alagad sa Israel Defence Forces.
Sang nagligad nga semana, nagluntad ang inaway sa tunga sang mga Druze militias at Bedouin tribes, nga nagpatay sang indi magkubos sa 200 ka tawo, suno sa report gikan sa Syrian Observatory for Human Rights.
Gin-akusahan man sang grupo ang mga pwersa sang gobyerno sang Syria kag ang ila mga kaalyado sang summary executions sang mga sibilyan nga Druze.
Ini ang labing una nga tion nga ang mga pwersa sang gobyerno sang Syria ginpahamtang sa Suwayda humalin sang ginpahalin sang mga rebelde nga ginapangunahan sang mga Islamist si anay Presidente sang Syria nga si Bashar al-Assad.
Nagpanumpa si Netanyahu nga indi pagtugutan nga mabutang sa katalagman ang mga Druze sa Syria bangud sang ila madalom nga kaangtanan sa mga pumuluyo sang Israel kag sang Golan Heights.
Samtang, ang administrasyon ni Trump nagpasilabot, nga nagapangabay sa Israel nga untaton ang pag-atake sa mga pwersa militar sang Syria.
Gin-anunsyo sang defence minister sang Syria ang ceasefire sa Suweida, samtang ginpahayag nga ginpahayag sang Israel nga untaton sini ang pag-atake sang Martes sang gab-i.
