ROXAS CITY – Nagapabilin pa nga at-large ang 60 anyos nga tag-iya sang KTV bar sa Barangay Poblacion, Tapaz, Capiz nga responsable sa pagpangbuno sa apat ka mga kustomer kun sa diin duha diri ang napatay.
Suno kay Police Captain Edwin Luces, hepe sang Tapaz Municipal Police Station, padayon sa karon nga ginaayam sang mga kapulisan ang suspek nga si Robert Gamalando, sang Barangay Bag-ong Barrio, sang amo man nga banwa.
Mahibaluan nga dead-on-arrival sang mag-abot sa ospital ang mga biktima nga sanday Alejandro Labrador sang Agpalali, Tapaz nga nag-angkon sang pilas sa dughan kag kili-kili, Richie Barnizo sang Daan Sur, Tapaz nga may pilas sa likod, tuhod kag tangkugo matapos ginpangbuno sang suspek samtang ginabulong sa ospital ang duha ka mga kaupod sang mga ini nga sanday Joven Parofil, 25-anyos sang Barangay Roxas 8, Tapaz kag nag-angkon sang pilas sa nawala nga bahin sang abaga, kag Elemar Parofil nga nadaplisan sa tiyan.
Ginpahayag ni Luces nga nagaguha sa ila inisyal nga imbestigasyon nga self-defense ang natabo kun sa diin ginapahayag gindepensahan lamang sang suspek ang iya kaugalingon batuk sa mga biktima.
Suno kay Luces nga una nga ginsaway sang live-in partner sang suspek ang mga biktima bangud tuman kagahod sang mga ini samtang nagainom apang kasubong indi sila magpabadlong.
Sa baylo nga magpati, ginaalegar nga may nagsinggit pa gikan sa grupo sang mga biktima nga ginkaakig sang live-in partner sang suspek.
Bangud diri, naguha ang nagakatulog na nga suspek kag ginaalegar una siya nga gin-atake sang mga biktima.
Lipod sa ihibalo sang mga biktima nga may bitbit nga kutsilyo kag armas-luthang ang suspetsado.
Didto na nagluntad ang kinagamo kun sa diin nabun-an ang mga biktima.
Ginapatihan naman nga indi lamang pagpangbuno ang natabo bangud may narekober nga tatlo nga slug sang .45 caliber pistol sa ginluntaran sang krimen.
Madasig nga nagpalagyo ang suspek matapos ang krimen.
(PHOTO FROM WEB)
