ROXAS CITY – Arestado ang tatlo ka mga kalalakinhan matapos nga nagapatigayon sang illegal nga pagbulang sa Brgy. Milibili, Roxas City.
Ginkilala ang mga nagkaladakpan nga sanday Martino Mata alyas Toto, 47-anyos residente sang Brgy. Bato, Roxas City, Daniel Arceño 39-anyos, Nilo Adonay 58-anyos kag lunsay residente sang Brgy. Milibili.
Ang operasyon ang ginkasa sang gintingub nga pwersa sang CIDG-Capiz, Roxas City PNP kag Capiz PIU-PPO.
Narekober sa posisyon sang mga suspetsado ang apat tanan ka buhi nga mga manok, cock fighting paraphernalia’s kag kwarta nga nagabalor sang P4,800.
Mahibaluan nga madamo pa sang mga kaupdanan ang tatlo ka mga nagkaladakpan apang madasig nga nakapalagyo.
Magapangutubang sang kaso nga paglapas sa P.D 449 (Anti–Cockfighting Law of 1974) ang mga nasambit nga suspetsado.
