BOMBO ROXAS – Pilason ang tatlo ka mga persona lakip ang isa ka menor de edad matapos ang nagluntad nga aksidente sa Barangay Binuntucan banwa sang Pontevedra, Capiz.
Ginkilala ang mga pilason nga sanday Calvin Ovidos, 20 anyos kag ang wala na ginhingadlan nga menor de edad nga lunsay mga residente sang Barangay Cagay, Roxas City.
Sandig sa inisyal nga imbestigasyon sang Pontevedra Municipal Police Station, samtang ginasubay sang mga biktima ang dalanon nagikan sa Barangay Hipona sang nasambit nga banwa sakay ang RUSI nga motorsiklo sang aksidente sila nga nabungguan sang nag-overtake nga SUZUKI nga motorsiklo nga ginamaneho ni Jonathan Diocson nga residente sang Barangay Dulangan, Pilar, Capiz.
Bangud sini, nag-angkon sang mga kapilasan ang tatlo ka mga persona nga ginpadulong sa magkatuhay nga mga ospital sa probinsya sang Capiz.
