-- ADVERTISEMENT --
Nagapati si Former Comelec Commissioner Atty. Rowena Guanzon nga isa ka political strategy ang temprano nga pag-anunsyo ni Vice President Sara Duterte sang iya plano nga pagpadalagan bilang presidente sa 2028 national elections.
Sa interview sang Bombo Radyo kay Guanzon, iya ginpahayag nga ang temprano nga pagdedeklara ni VP Sara ang nagatuyo nga makabuo sang alyansa kag makakuha sang suporta gikan sa nagkalain-lain nga sektor.
Suno kay Guanzon, nagahatag ini sang nagaka-igo nga panahon para pabaskugon ang makinaryang politikal kag preparahan ang kampanya.
Gindugang niya nga sa katapusan, nakadepende gihapon sa publiko kun sin-o ang ila naluyagan nga lider sa masunod nga eleksyon.
