Patay ang isa ka driver sang bumunggo sa poste ang tricycle nga iya ginamaneho kag nahulog sa irrigation canal sa syudad sang Cabanatuan.
Ang biktima nga dapat kuntani magpa-check-up sa health center ang kaupod sang pito ka iban pa lakip na ang iya asawa kag mga kabataan sang natabo ang insidente.
Ginpahayag nga natabo ang insidente sa Barangay Bakod Bayan.
Base sa imbestigasyon sang mga otoridad, nagamaneho sang traysikol ang 48 anyos nga driver kag padulong kuntani sa isa ka health center agud magpa-check-up.
Nagasakay man ini sa traysikol upod ang iya asawa, duha ka kabataan, kag duha ka kaingod nga may kabataan man.
Apang gulpi lang nadulaan sang kontrol ang driver sa traysikol tubtub nga nagbunggo sa poste kag nahulog ang mga pasahero sa kaiping nga irrigation canal.
Natigayon nga masalbar sang mga rescuers ang mga sakay sang tricycle, magluwas lang sa driver.
Nagaduda ang mga imbestigador nga naka-eksperyensya sang epileptic attack ang driver kag nadulaan sang kontrol sa manibela, kag nasapwan nga patay sa irrigation canal.
Wala pa sang opisyal nga pahayag ang pamilya sang driver kag kapulisan angut sa insidente
