Nakuha ang kapin P540,000 nga balor sang droga sa isa ka lalaki sa ginpatigayon nga drug buybust operation Barangay Poblacion Elizaldy, President Roxas, Capiz.
Natigayon ini nga nadakpan sa gintingub nga pwersa sang Philippine Drug Enforcement Agency (PDEA) Capiz kag President Roxas MPS.
Ginkilala ang nadakpan kay alyas Mark, 43-anyos kag residente sang nasambit nga barangay.
Narekober sa paghinakop sini ang 10 tanan ka sachets kag isa ka dako nga plastic sang gina-alegar nga iligal nga droga nga may kabug-aton nga 70 gramos kag may standard drug price nga Php 540,000.00. Narekober man ang P13,000 nga buybust money sa magkalain-lain nga denominasyon kag isa yunit sang salakyan.
Ginpahayag ini bilang high value individual (HVI) nga madugay na nga gina-monitor sang PDEA sa iligal sini nga aktibidades.
Kaso nga paglapas sa Republic Act 9165 ukon Comprehensive Dangerous Drugs Act of 2002 ang igapasaka sang otoridad kay Mark.
Sa karon, nakahunong na ini sa karsel sang PDEA-Capiz para sa nagakaigo nga disposisyon.
