Nakilan-an na ang 2 ka mga biktima nga costumer sang isa ka bangko matapos ini maigo sang naglupok nga armasluthang sang isa ka guwardiya samtang ginatinluan sa syudad sang Roxas.
Ginkilala ang mga biktima amo nanday Jecelyn Aranas , 62-anyos, residente sang Barangay Poblacion Ilawod, Panit-an kag si Vincent Corros, 46-anyos kag residente sang Sitio Ilaya, Barangay Lanot, Roxas City.
Matandaan nga ginkilala ang suspetsado kay alyas Nofry, 40-anyos isa ka guwardiya.
Sa dugang pa nga impormasyon nga nakuha sang Bombo Radyo nga nag-angkon sang pilas ang biktima sa ila mga tiil ang mga biktima samtang ang guwardiya ang nag-angkon sang pilas sa iya nawala nga kamot.
Sa karon, padayon nga ginabulong sa ospital ang mga biktima kag nagapadayon ang imbestigasyon sang mga kapulisan angut sa nasambit nga insidente.
