ROXAS CITY- Ginpanginwala ni Vice Governor James Mitang Magbanua nga wala sini ginasabat ang tawag ukon text ni Board Member Eliuper Martinez.
Sa interview sang Bombo Radyo kay Magbanua ginpahayag sini nga wala ini nakabaton sang tawag ukon text nagikan kay Martinez magluwas lamang sa sekretarya sini.
Matandaan sang damlag lang ginpahayag sang amo nga board member nga nagatawag ukon nagatext ini sa amo nga bise gobernador apang wala sini ginasabat.
Ini may kaangatan sa wala pagpirma ni Magbanua sang RATA ni Martinez bangud man sa pila ka mga kakulangan.
Suno kay Magbanua nga nagasunod lamang ini sa proseso kun ano ang nasaad sa Local Government Code bangud nabalaka man ini sa posibilidad nga siya naman ang balikan sa ulihi.
Ginklaro man sini nga wala niya ginapersonal si Martinez bangud ginahimo lamang sini sang maayo ang iya nga trabaho bilang bise gobernador.
Dugang pa sini nga wala ini naga-release sang RATA apang nagapirma lamang ini.
