Nagpanawagan si Vice President Sara Duterte sa Philippine Health Insurance Corporation (PhilHealth) nga ibalik ang P60 bilyon nga pondo nga una na nga ginsaylo sa National Treasury, matapos nga gindeklarar sang Korte Suprema nga unconstitutional ang transaksyon.
Ini nga kantidad ang kabahin sang kabug-usan nga P89.9 bilyon nga “excess funds” sang PhilHealth nga ginsaylo sang Department of Finance sa tuig 2024 agud pondohan ang unprogrammed appropriations sa national budget.
Ginpanindugan ni Duterte nga dapat magpabilin sa ahensya ang PhilHealth fund agud masiguro ang pagpadayon sang mga programa sa ikaayong lawas sang pungsod.
Ginpakigbahin man sini nga naistorya niya si anay Presidente Rodrigo Duterte angut sa desisyon sang Korte Suprema.
Sa kabug-usan nga P89.9 bilyon, P60 bilyon ang ginsaylo sa National Treasury antes nagpaguwa sang temporaryo nga restraining order (TRO) ang Korte Suprema nga nagpauntat sang natalana nga pagbalhin sang P29.9 bilyon sang Nobyembre 2024.
