Padayon ang pagpangibabaw sang mga weightlifters nga ginhanas ni Olympic gold medalist Hidilyn Diaz-Naranjo sa Batang Pinoy sa Puerto Princesa, Palawan.
Nagpanguna diri si Adonis Ramos sa boys 16-17 55kgs. category kun sa diin naaangkon sini ang kabug-usan nga 185 kgs. lift .
Pila sa mga kaupdanan sini amu sanday Maybell Riones sa girls 12-13 , 35 kg. class; Reyandine Marie Jimenez sa girls 12-13 , 40 kgs. class kag Matthew Diaz sa boys 12-13 -43 kgs.
Ang mga ini ang nakahakot na sang apat ka gold, anom nga silvers kag isa ka bronze.
Kaupod ni Hidilyn ang asawa sini nga si Julius nga nagahanas sa mga bata sa gintukod nila nga gym sa Jala-Jala, Rizal.
Ginpahayag ni Naranjo, nga amu ang nag-training kay Hidilyn nga nag-angkon na sang interest ang mga kabataan nga magsulod sa weightlifting halin sang magdaog sang bulawan nga medalya si Hidilyn sa Olympics.
Ginkalipay man sini ang pagdamo sang mga kabataan nga nagaintra sa weightlifting sa Batang Pinoy kun ikumparar sadtong panahon niya nga siya lamang ang nagapasakop rason nga nagadaog ini sang gold medal.
