10 ka tripulante, dakop matapos nagapatigayon sang iligal nga pagpangisda sa banwa sang Panay

Dakop sa akto ang napulo ka tripulante nga nagapatigayon sang iligal nga pagpangisda gamit ang “trawl” sa baybayon nga sakop sa banwa sang Panay.

Ang wala na ginhingadlan nga mga persona, ang yara sa legal nga pang edaron kag residente sa banwa sang Pilar.

Nakuha sa paghinakop kag kontrol sang mga suspetsado ang 3 ka sakayan kag ginabulubanta 12 kilos sang nagkalain-lain nga sahi sang isda.

Nahibaluan nga wala sang may ginpakita nga nagakaigo nga dokumento ang mga nagkaladakpan angut sa mga narekober sa ila paghinakop.

Sa karon, yara na ang mga nagkaladakpan sa kustodiya sang MENRO-LGU Panay para sa nagakaigo nga disposisyon.