ROXAS CITY – Ginpablotter sang isa ka store manager ang isa ka 19-anyos nga sales clerk matapos nga ginaalegar gin-ako sini nga ginkawat ang ginabaligya nga load sa isa ka grocery store sa Fuentes Drive, Barangay 11, Roxas City.
Ginkilala ang tagreklamo nga si Helen Deocampo 35-anyos sang Barangay Maalan, Maayon, Capiz.
Sandig sa ginpabalhag ni Deocampo sa pulisya nga ginaalegar gin-ako mismo ni Eugine Amparo sang Barangay Calaan, Panitan nga ginakawat sini ang ginabaligya nga load para sa mga customer nga ginapasa ang load sini sa iya nobya nga si Andrea Cruz nga nahamtang sa bahin sang Metro Manila.
Ginapahayag nga kapin sa P1,000 load ang nadula sa load wallet sang amo nga store
Bangud diri, ginpakamaayo na lamang sang tagreklamo nga ipabalhag sa pulisya ang natabo.
