ROXAS CITY – Duha ka mga persona ang ginkustodiya sa karsel sang Roxas City Police Station matapos nga ginaalegar nga nagtuga sang kinagamo sa Barangay Cagay, Roxas City.
Base sa insiyal nga imbestigasyon sang Roxas City Police Station nga nakabaton sila sang impormasyon gikan kay Brgy. Kagawad Reynaldo Aragon nga may yara sang duha ka mga persona nga nagatuga sang kinagamo sa nasambit nga barangay.
Una diri amo si John Vincent Alcantara 25-anyos nga ginaalegar nga nagatuga sang kinagamo sa lugar samtang makaligad ang pila ka oras nagtuga man sang kinagamo si Rene Bernardes 67-anyos rason nga ginpakamaayo na lamang ni Brgy. Kagawad Aragon nga dal-on sa Roxas City Police Station ang nasambit nga mga persona.
Mahibaluan nga lunsay yara sa idalom sang impluwensya sang makahulubog nga ilimnon ang duha sang nagluntad ang insidente.
