Ginsulod sang linibo ka mga pulis ang Kingdom of Jesus Christ compound sa Davao City pasado alas 3:00 kaina sang kaagahon Agosto 24, 2024.
Ini agud iserbe ang ginpaguwa nga “alias arrest warrant” sang Pasig Regional Trial Court batuk kay Pastor Apollo Quiboloy kag sa mga kaupdanan sini nga akusado.
Mahibaluan nga si Quiboloy ang nagapangatubang sang kaso nga child abuse, sexual abuse kag human trafficking.
Ginpabasa mismo ni Davao Regional Director Police Brig. Gen. Nicolas Torre III sa legal counsel sang KOJC nga si Atty. Israelito Torreon ang kopya sang warrant of arrest
Suno sa report, ginpahayag ni Torre nga 2, 000 ka mga pulis ang dulungan nga nagsulod kag ginlantaw ang sulod sang 30 ka ektarya nga KOJC compound.
Ginhaylo ni Torre ang legal counsel sang KOJC nga sa korte na lang magreklamo kon sa ila paglantaw iligal ang ila operasyon.
Antes sini, nagpaandam si KOJC Executive Secretary Eleanor Cardona nga magamartsa ang 8 million nga kingdom citizens padulong sa Malacañang kun dayunon sang kapulisan ang pagsulod sa ila nga compound.
