ROXAS CITY – Arestado ang isa ka 21-anyos nga persona matapos nga ginaalegar nagbato kag ginhangkat pa sang inaway ang na-assigned nga Barangay CVO nga naga-roving sa Barangay Dumolog, Roxas City.
Ginkilala ang arestado nga si Johnmark Tolentino sang nasambit nga lugar.
Base sa inisyal nga imbestigasyon sang Roxas City PNP nga sakay sa motorsiklo ang nasambit nga suspek kaupod ang duha ka iban pa sa diin ginapahayag nga hubog kag wala pa sila sang suksok nga bayo kag facemask rason nga ginsaway ini sang mga katapo sang Barangay CVO.
Apang, sa baylo nga magpamati ginaalegar nga nagbato kag nagpanghangkat pa sang inaway ang amo nga suspek.
Bangud diri, ginpakamaayo na lamang sang mga Barangay CVO nga dal-on sa pulisya ang suspek para sa nagakaigo nga disposisyon.
