22-anyos nga lalaki, arestado bangud sa pagpataya sang ilegal nga stl bookies sa banwa sang Sigma

Gindakup sang mga otoridad ang isa ka 22-anyos nga lalaki matapos nadakpan sa akto nga nagapataya sang indi otorisado nga STL bookies sa sa Barangay Mianay, Sigma, Capiz.

Ginkilala ang amo nga arestado sa kay alyas “Nonoy” kag residente sang Sitio Tagudtud, Poblacion Norte, Ivisan, Capiz.

Narekober sang kapulisan ang P1,000 nga balor sang koleksyon, improvised STL cotejo kag iban pa nga gambling paraphernalia.

Magapangatubang sa kaso nga paglapas sa Presidential Decree 1602 ukon Anti-illegal gambling Law ang amo nga arestado.

Sa karon, nagapabilin sa paghinakop sang Sigma Municipal Police Station ang amo nga persona para sa nagakaigo nga disposisyon.