22-anyos nga lalaki, dakop matapos nga serbehan sang warrant of arrest sa Brgy. Lawaan, Roxas City

Dakop ang 22-anyos nga lalaki matapos nga ginserbehan sang warrant of arrest takna sa Pueblo de Panay, Brgy. Lawaan, Roxas City.

Ginkilala ang akusado kay alyas “Kent” kag residente sang Sitio Pagutok, Brgy. Dayao, Roxas City, Capiz.

Nagapangatubang sa kaso nga Theft ukon pagpangawat ang amo nga akusado.

Ang nasambit nga warrant of arrest ang gin-issue kag ginpirmahan ni Hon. Melinaire L. Japila-Diamante, Pairing Judge, Municipal Trial Court in Cities, Branch 3, Iloilo City kag napetsahan Disyembre 13, 2024.

Nagabalor naman sa P3,000 ang ginrekomendar nga piyansa para sa iya temporaryo sini nga kahilwayan.

Sa karon, nagapabilin ini sa kustodiya sang Roxas City PNP para sa nagakaigo nga disposisyon.