ROXAS CITY – Arestado ang tatlo ka mga persona matapos nga ginaalegar nagbato sa mga pulis kag tanod sa Barangay Baybay, Roxas City.
Ginkilala ang mga nadakpan nga sanday Sandro Balasa sang Barangay Poblacion Ilaya, Maayon; Orlan Capurcos 25-anyos kag Raymund Dunton 31-anyos lunsay mga residente sang Barangay Salgan, Maayon, Capiz.
Base sa inisyal nga imbestigayon sang Roxas City PNP nga nasiplatan sang mga barangay tanod ang tatlo ka nasambit nga persona nga sakay sa multicab nga salakyan sa oras sang ginapatuman nga curfew kag padulong kuntani sa People’s Park kun sa diin ginaalegar wala ini sang suksok nga facemask kag bayo.
Bangud diri, ginsita ang mga ini apang sa baylo nga magpati nagbato pa ini sa mga pulis kag tanod rason nga gilayon na lamang sila gindakop kag gindala sa pulisya para sa nagakaigo nga disposisyon.
Nahibaluan nga yara sa idalom sang impluwensya sang makahulubog nga ilimnon ang mga suspek sang natabo ang insidente.
Sa karon, nakahunong na sa karsel sang Roxas City Police Stationa ang mga arestado.
